Monte Carmelo

Monte Carmelo
cordal
Situación
País	Israel
Distritu	distritu de Haifa
Coordenaes	32°40′21″N 35°01′24″E / 32.6725°N 35.02333°E / 32.6725; 35.02333
Monte Carmelo Monte Carmelo (Israel)
Datos
Altitú	545 m[1]
Materiales	caliar
Anchor	20,000 m.
Llargor	50,000 m.

El Monte Carmelo (hebréu: הר הכרמל [Har hai'Karmel]; árabe: جبل الكارمل [Yabal al-Karmil]) ye una cordal n'Israel sobre'l mar Mediterraneu, ye reconocíu por haber se apaecíu ahi la Virxe del Carmen. El monte Carmelo tien forma triangular, mide unos 26 km de llargu y alredor de 7 km d'anchu y el so altor máximu d'unos 550 m. La ciudá de Haifa ta parcialmente asitiada sobre'l Monte Carmelo, como tamién otres pequeñes ciudaes como Nesher, Tirat Karmel. Los sos coordenaes son: 32º 50' de llatitú Norte y 35º de llargor este. El so nome vien dicir «xardín» (Karmel n'árabe) o «viñeos de Dios» (Karem El en idioma hebréu). Na antigüedá taba cubierta por viñeos y foi siempres famosa pola so fertilidá.

Un filósofu siriu de los sieglos III-IV d.C. llamáu Jámblico, escribió que'l monte Carmelo yera «el más santu de tolos montes». Les cueves allugaes nel monte Carmelo fueron declaraes Patrimoniu de la Humanidá pola Unesco en 2012.^[2]

Inspiraos nel profeta Elías, mientres el sieglu XII, un grupu d'homes (probablemente ermitaños o cruzaos) fundó nel Monte Carmelo la Orde de los Carmelites. Estos llevaríen al mundu en sieglos socesivos la güei extendidísima devoción por La nuesa Señora del Monte Carmelo, referida comúnmente como Virxe del Carmen.

1. ↑ URL de la referencia: http://www.peakbagger.com/peak.aspx?pid=10454.
2. ↑ Unesco (2 de xunetu de 2012). «Twenty-six new sites inscribed on UNESCO World Heritage List this year» (inglés). Unesco.org. Consultáu'l 3 de xunetu de 2012.